Pro Malta Christiana tħeġġeġ lin-nies jingħaqdu magħha fit-talba tar-Rużarju, nhar il-Ħadd 17 ta’ Settembru quddiem il-Parlament fit-6.30 pm.

Minn Ronald J. Knight

Libertà bla rażan, valuri ħżiena, nuqqas ta’ sens komun u nuqqas ta’ umilta’, jwasslu biex is-socjeta’ titlef l-istabbilita’ taghha u tikkollassa.

F’Lulju li għadda, rajna grupp ta’ tfal żgħar tal-Iskola Sajf Maltin imkaxkra l-Belt Valletta biex jaraw spettaklu ta’ drag queen promoss mill-attivisti LGBTQ lokali, bil-kollaborazzjoni tal-Ministeru tal-Edukazzjoni, bħala parti mill-avvenimenti tal-Euro Pride ta’ din is-sena.  It-tfal kollha li kienu żgħar daqs għaxar snin, kull wieħed ingħata bandiera tal-qawsalla biex ixejjru waqt dan l-“ispettaklu”.

X’kienet ir‑“raġuni” għal dan l‑ispettaklu ta’ indotrinazzjoni? Biex “nedukaw” lit‑tfal biex mis‑snin teneri tagħhom, ikunu jistgħu jħossuhom komdi jagħżlu kwalunkwe sess mill‑portafoll tal-LGBTQ li jkunu jixtiequ meta jaslu ghall‑età tar‑raguni.

Irridu niftakru li wieħed mill‑aktar argumenti qawwija kontra l‑aġenda LGBTQ+ hija li ta’ spiss din l-aġenda hija akkużata li li qiegħda tinfluwenza ħażin lit‑tfal innocenti. In‑nies, speċjalment il‑ġenituri, qed joġġezzjonaw bir‑raġun li t‑tfal żgħar tagħhom ikunu esposti għal “prestazzjonijiet” ta’ drag queens”.

U bir-raġun, għax meta timita s‑sess oppost, persuna tiċħad is‑sess naturali tagħha u tkun qed taġixxi kuntrarju għall‑liġi naturali. Li taċċetta li l‑irġiel (jew subien) jippreżentaw lilhom infushom bħala nisa huwa daqs li taċċetta li Alla, awtur tan‑natura umana u għalhekk tas‑sessi maskili u femminili, jista’ jiġi offiż. Il‑Ktieb tad‑Dewteronomju jaqra: “Mara m’għandhiex tilbes ilbies tar‑raġel, u r‑raġel m’għandux juża ilbies ta’ mara, għax min jagħmel dawn l‑affarijiet huwa abominabbli quddiem Alla” (Dt. Kap 22: vers 5).

Biex ma nsemmux il-propoganda LGBTQ li qed tinxtered fil-kotba tal-iskola fil-livelli kważi kollha. Wasalna anke fis-sitwazzjoni perikoluża li jekk xi ħadd pubblikament jiddefendi il-kunċett Nisrani taż-żwieġ bħala esklussivament bejn raġel u mara waħda, jista’ jiffaċċja priġunerija taħt ’l hekk imsejħa liġijiet ta’ dan il-gvern ta’ “diskors ta’ mibegħda”. Kulħadd jaf li l-Unjoni Ewropea qed timponi din it-tip ta’ leġiżlazzjoni fuq l-istati membri tagħha.

Għalhekk, quddiem dan it-theddid kontra dak li fadal miċ-Ċiviltà Nisranija f’Malta, l-entità lajka Kattolika Pro Malta Christiana se tkun qed tagħmel it-talb ta’ Rużarju pubbliku fil-Belt Valletta biex titlob il-maħfra ta’ Alla għall-Aġenda tal-Euro Pride. Ir-Rally tar-Rużarju se jsir nhar il-Ħadd 17 ta’ Settembru fis-6.30pm fi Pjazza tal-Parlament.