Jikkonferma l-Prim Imħallef li hu membru tal-Opus Dei?

L-Arċisqof Charles J. Scicluna ħa għalih għaliex għidtlu li hu membru tal-Opus Dei. Ħareġ stqarrija li ġiet ippubblikata mill-media kollha biex jgħid li Professur tal-Universita’ hu qarrieq għaliex qallu li hu membru ta’ din l-Assoċjazzjoni Kristjana li ġiet imwaqqfa minn qassis li l-Papa Ġwanni Pawlu II ddikjarah qaddis. Wara l-istqarrija tal-Arċisqof Scicluna, ħafna ġew fuqi jistaqsuni dwar l-Opus Dei u jgħiduli jekk din hix xi assoċjazzjoni sigrieta jew le, jew jekk hix waħda tajba jew ħażina. Issa nħalli lil dawn jiġġudikaw din l-assoċjazzjoni bil-mod kif ġab ruħu l-istess Arċisqof Scicluna dwarha.

Imma dak li nixtieq inżid li fost il–membri tal-Opus Dei hemm (jew forsi kien hemm) nies fil-ġudikatura. Ma għandix l-email tal-Prim Imħallef. Imma nixtieq nistaqsi lill-Prim Imħallef attwali, Mark Chetcuti, jekk hux lest jikkonferma jew jiċħad jekk hux membru jew kien membru tal-Opus Dei? Qed ngħid dan għaliex ma naħsibx li persuna li tispiċċa fuq il-bank tal-ġudikatura ser tibqa’ tattendi l-laqgħat ta’ din l-assoċjazzjoni. Nispera li l-Prim Imħallef joħroġ xi stqarrija u jagħtini tweġiba.

Kull ma nista’ nżid, u dan hu fatt pubbliku, li l-Prim Imħallef ikun fuq quddiem fil-quddiesiet tal-Arċisqof Scicluna u tgħidx kemm dan l-istess arċisqof isellimlu bil-qalb lill-Prim Imħallef!

Fuq kollox, tista’ l-kummissjoni li llum ġie kostitwita skont is-suġġerimenti tal-Kummissjoni Venezja u li fuqha issa qed jogħqod il-Prim Imħallef Chetcuti, tgħidx jekk fost l-għażliet li saru riċentament, intgħażilx xi avukat li nżerta wkoll membru tal-Opus Dei?

Ara Jason Azzopardi ma kiteb imkien biex jgħidli li mhux veru dak li ktibt dwaru li hu membru tal-Opus Dei jew li kien membru imma tkeċċa jew twaqqaf milli jibqa’ jattendi. Fuq kollox, sal-lum għadna ma nafux x’passi ħa jittieħdu fil-konfront ta’ Jason Azzopardi wara li skont Saviour Balzan dan kiser divjit impost mill-qorti. Kieku bniedem komuni għamel dak li skont Balzan għamel Jason Azzopardi, kieku ġa ġie arrestat u l-pulizija u l-qrati ġa għamluh kapuljat.