Messaġġ imqanqal ta’ Adrian Delia quddiem din il-kriżi bla preċedent.

Elezzjoni mhux meħtieġa.

Imma analiżi tal-kuxjenza hija meħtieġa żgur.

Jekk ser nibqgħu nweġġgħu n-nies ser nibqgħu nkissru l-partit.

Sakemm mhu se jibqa’ xejn iktar x’jinkiser.

Nieqfu. Nieqfu issa. Qabel ma jkun tard wisq. Ħadd ma jaf kollox; Ħadd mhu dejjem tajjeb hu biss; Ħadd mhu aqwa minn ħaddiehor.

Mhux qed taraw li n-nies ma jridux mibgħeda;

Mhux qed tifhmu li kulħadd irid iċedi biċċa; Mhux tintebħu li jekk nibqgħu nkeċċu mhu ser jibqa’ ħadd.

Jekk qed nagħlqu l-bieb lin-Nazzjonalisti li jridu jagħtu sehemhom, lil min ser niftħu l-bieb?

Jekk qed inwarrbu lil min irid jgħin mingħajr ma jieħu xejn lil min ser nattiraw minflok?

Jekk mhux inħaddnu lin-nies tagħna stess min ser jemmen li ser nilqgħu lil min qatt ma kien magħna qabel?

Nieqfu issa.

Qabel ma jkun tard wisq.