Bernard Grech jgħajjar lit-tifel tad-deputat Nazzjonalista Robert Cutajar bħala wieħed mill-ġurnalisti mixtrija ta’ dan il-gvern.

Il-Ħadd, il-prim ministru kien Marsaxlokk għall-attivita’ politika. Meta kien Marsaxlokk, Robert Abela ġie intervistat minn ġurnalista li jiġi t-tifel ta’ Robert Cutajar. B’hekk missieru hu deputat Nazzjonalista u l-whip tal-grupp Nazzjonalista.

L-għada li ħarġet din l-intervista, Bernard Grech għajjat lin-nies biex imorru quddiem il-parlament ħalli jipprotestaw kontra l-gvern talli seraq fil-benefiċji soċjali. Bernard Grech tkellmet wkoll waqt din il-protesta u fiha għamel referenza għal din l-intervista, li Robert Abela ta lit-tifel ta’ Robert Cutajar. Bernard Grech ħareġ jgħajjat u jgħid li Robert Abela jixtri l-intervisti “safe”. Fi kliem ieħor, implika u qal b’mod ċar li t-tifel ta’ Robert Cutajar hu ġurnalist “safe” tal-gvern ta’ Robert Abela.

Wieħed ma jistax jgħid li Bernard Grech ma kienx jaf min għamel l-intervista lill-Prim Ministru għaliex sa ftit ilu, dan kien jaħdem ġurnalist man-NET. Fi kliem ieħor, Bernard Grech ma jistax jgħid li ma kienx jaf li dan hu t-tifel tal-whip tal-grupp parlamentari tiegħu stess.

Id-daħqa hija li meta Bernard Grech qal li dan il-gvern jixtri l-intervisti “safe” kellu lil Robert Cutajar warajh. Qed nimmaġina lil Robert Cutajar iċapċap bil-qalb lil Bernard Grench meta semgħu jgħid li ibnu huwa wieħed mill-ġurnalisti “safe” ta’ dan il-gvern u nfexx f’għajjat li dan hu gvern korrott!

Fi kliem ieħor, missier dak li għamel intervista “safe” lill-Prim Ministru kien wara l-istess Bernard Grech jipprotesta kontra l-gvern minħabba dan l-iskandlu fil-benefiċji soċjali u għaliex il-prim ministru għandu ġurnalisti “safe” meta jiġi mistoqsi dwar dan l-istess skandlu. L-anqas baqgaħlhom żejt f’wiċċhom!

Ara dwar dawn l-affarijiet, l-għaqda tal-ġurnalisti ma toħroġ l-ebda stqarrija ta’ kundanna. Skiet assolut.

U mbagħad għaliex il-poplu Malti qed jitlef il-fiduċja fil-politiċi tiegħu stess!