Saviour Balzan jerġa’ jakkuża lil Jason Azzopardi bħala l-persuna wara l-għoti tar-rapport tal-Europol lill-media

Saviour Balzan reġa’ wża l-gazzetta MaltaToday biex ifakkar li Jason Azzopardi huwa l-bniedem li fl-2018 ta r-rapport tal-Europol lill-media. F’dan ir-rapport jissemma l-isem ta’ Peter Caruana Galizia bħala wieħed mill-prime suspects. F’dan ir-rapport, ma jissemmiex l-isem ta’ Yorgen Fenech. Mela l-avukat tal-familja Caruana Galizia ta lill-media rapport li fih hemm imsemmi r-raġel ta’ Daphne Caruana Galizia. Wara li l-media kellha dan ir-rapport, f’daqqa waħda saret chorus sħiħ tgħajjar li Yorgen Fenech huwa l-mastermind ta’ dan id-delitt u l-kummissarju tal-pulizija ħareġ jgħid li kulħadd li kien hemm wara dan id-delitt ta’ Daphne Caruana Galizia nqabad!

Dak li ma spjegax Saviour Balzan huwa l-fatt li anki jekk il-media kellha dan ir-rapport, qatt ma tkellmet dwaru. Anzi kollha ftehmu li jibdew jgħidu li Yorgen Fenech huwa l-mastermind ta’ dan id-delitt.

Fuq kollox, Saviour Balzan qed jgħid li kulħadd, inkluż il-pulizija kienu ilhom jafu bih mill-2018. Balzan xela’ lil Azzopardi u avukati oħrajn li ppruvaw jikkonvinċu li ħadd minnhom ma ra dan ir-rapport. Balzan allega li kulħadd inklużi l-pulizija, il-maġistrat, l-avukati tal-prosekuzzjoni, l-avukati li jinkludu lil Jason Azzopardi, l-avukati li jippreżentaw iż-żewġ naħat fil-kawżi, pruvaw jagħtu l-impressjoni li ma kienux jafu x’fih dan ir-rapport tal-Europol.

Infakkar li taħt ġurnament, Arnaud qal li sar jaf bih ħafna wara li ġie magħmul mill-Europol!

Verament kif jgħid il-qawl Malti li bejn l-imbroljuni ma hemmx ħbiberija.

Issa tifhmu għala l-pulizija qatt ma investigat min hemm wara l-ħruġ ta’ dawn iċ-chats. Issa tifhmu għala jien ili ngħid li hemm frame-up. Mela li taħbi rapport bħal dan mhux frame-up? Fuq kollox, il-ħabi ta’ dan ir-rapport huwa parti mill-kampanja ta’ ksur ta’ liġijiet. Saviour Balzan qed jakkuża lill-kulħadd li kien hemm fl-awla li kiser il-liġi, inkluż lill-pulizija.

Infakkar li dan ir-rapport ingħata lill-maġistrat Antonio Vella li wara għamluh imħallef. Infakkar li fil-media internazzjonali ntqal li sar imħallef għaliex kien maġistrat li l-istat ma riedux ikompli jinvestiga dan il-każ. Infakkar li Antonio Vella kien wieħed mill-maġistrati approvat minn Peter Caruana Galizia!

Mela l-avukat tal-familja li tridha tal-palidina tar-rule of law hija l-aktar familja maħmuġa f’Malta. Tista’ tikser il-liġi u ħadd ma jista’ għaliha. U min jgħinha tikser il-liġi jispiċċa mħallef tal-qrati Maltin.

Jista’ Peter Caruana Galizia jikkonferma li hu għandu kontroll fuq il-media u jgħidilhom lil min jinvestigaw u kontra min jieqfu jinvestigaw? Qed ngħid sew li s-swaba’ tal-qarnita f’dan il-każ imorru sal-Kurja tal-Arċisqof u l-gazzetti bl-Ingliż?

Naħseb li anki fuq dan għandu jibda jikteb Saviour Balzan.

Infakkar li din il-familja għodda ġabet il-krollament tal-istat Malti fl-2019, minħabba l-qarnita’ ta’ intriċċi li għandha marbuta magħha.

Nieħu gost li issa Saviour Balzan ma tantx qed jidher li qed idur mal-lewża. Balzan jinsab konvint minn dak li qed jgħid u mid-dehra ebda ċaħda ta’ dan kollu ma kellna mill-istess avukat tal-Caruana Galizia. U fuq kollox, il-Caruana Galizia huma ferħanin li Jason Azzopardi hu l-avukat tagħhom.

Infakkar li Balzan qed jgħid li mhux talli qed jixlieh li qara dan ir-rapport imma qed jixlieh li tah lil xi persuni fil-media biex ikunu jistgħu janalizzawh u joħorġu l-konkluzzjonijiet tagħhom.

Balzan kompla jinsisti li dawn l-avukati kollha u l-pulizija kienu qed jirreċtaw meta qalu li huma ma kienux jafu x’fih ir-rapport. Balzan kompla saħħaħ l-argument tiegħu meta qal li dak l-avukat li kien fl-awla l-ġimgħa l-oħra llikja dan ir-rapport lil diversi nies fil-media u dan ilu jsir mill-2018. Balzan ġibed widnejn dan l-istess avukat meta qallu li missu darba oħra joqgħod attent qabel ixerred dan ir-rapport meta hu rappreżentant tal-familja Caruana Galizia. Jista’ jkun li dan ir-rapport kien fih informazzjoni li ma kienetx qed taġevola lil din l-istess familja.

Dan ir-rapport ġie ikkupjat diversi drabi minn nies li jaħdmu fit-taqsima tal-aħbarijiet. Il-biċċa l-kbira tagħhom użaw dan ir-rapport u kkummentaw dwaru fuq il-media tagħhom. Oħrajn li huma ftit iktar attenti fix-xogħol tagħhom preferew li jżommu dan l-istess rapport mistur fil-kxaxen tagħhom.