Wieħed minn dawk risponsabbli għala l-PN qiegħed f’din il-qagħda disastruża joħroġ jgħid li l-viżjoni u d-direzzjoni hija assenti fit-tmexxija tal-PN.

Qed inġib kumment li kiteb Alessandro Farrugia, l-eks-sieħeb ta’ Bernard Grech. Illum dan qed jgħajjar lil Bernard Grech li ma għandux viżjoni u direzzjoni. Waqt li Farrugia qabel mar-reshuffle ta’ Bernard Grech, kiteb li l-viżjoni u d-direzzjoni fil-PN illum hija assenti.

Nixtieq infakkar li dan Alessandro Farrugia kien il-bniedem li mbotta lil Bernard Grech biex ikun il-mexxej ta’ dan il-partit u ħadem biex jittajjar Adrian Delia. Infakkar li dan Alessandro Farrugia mexxa skwadra ta’ nies biex tattakka lil dawk kollha li politikament ma kienux jaqblu mal-għażla ta’ Bernard Grech.

Illum dan qed jammetti li, lil min għażel hu, la għandu direzzjoni u l-anqas viżjoni. Aħseb u ara kemm għandu viżjoni u acumen politiku Alessandro Farrugia li bl-azzjonijiet tiegħu kkontribwixxa għal dan id-diżastri kollu fil-PN. U wara li ġab lill-PN f’dan id-disastru kollu telaq ’l hemm u ħalla lill-benjamin tiegħu, jiġifieri lill-istess Bernard Grech, waħdu.

Infakkar li dan kien wieħed minn dawk li mbotta l-aġenda tal-woke u tal-liberali fil-PN. Infakkar li Edwin Vassallo ilu jikteb u jgħid li din l-aġenda liberali bidlet lill-PN f’partit tal-mibgħeda. Jien inkompli nżid u ngħid li l-liberali li hemm fil-PN jobżqu l-ħdura. Allaħares xi darba dawn it-talin jingħataw xi pożizzjoni ta’ poter għaliex massakru jagħmlu mill-poplu Malti. Dawn ma jimpurtahomx mill-ideali tal-PN. Dawn jimpurtahom li jmexxu l-aġendi moqżieża tagħhom u ta’ sħabhom, inkluż ta’ dawk il-liberali li llum jimmilitaw fil-Partit Laburista.

Edwin Vassallo qed jgħid is-sewwa meta jgħid li llum il-PN u l-PL saru ħaġa waħda.