Dawk biċċa waħda ma’ tar-rule of law, jiġifieri ta’ The Times jieħduha kontra persuna talli attakka l-interessi tal-kuntratturi u l-użu tal-ilma minnhom b’xejn.

Il-Ġimgħa 17 ta’ Novembru, ta’ The Times kellhom artiklu ieħor fis-sensiela ta’ Fact-Check. F’dan l-artiklu ta’ The Times spiċċaw jattakkaw persuna li tella’ artiklu fuq Facebook il-Ħamis dwar it-temp u n-nuqqas ta’ xita. Ta’ The Times ippruvaw iwaqqugħ għaż-żuffjett. Imma dawn li jriduha tal-pampaluni tal-verita’ spiċċaw jaqgħu huma għaż-żuffjett.

Fl-artiklu tagħha, The Times tgħidilna li dak li qed jgħid din il-persuna ma hux minnu fir-rigward tar-ritratt li ġab għaliex dan ittieħed sena ilu. Imma dan mhux dwar dan ir-ritratt mill-satellita qed jitkellem imma dwar in-nuqqas tax-xita. Imma The Times tieħu din l-okkażżjoni, imħallsa għall-ġieħna mill-EU, biex tiddiskredita’ lis-sit It-Temp Madwarna u tgħid li Malta mhux bone-dry anki jekk tispiċċa tammetti li jekk ikollha tieħu ritratt ta’ Malta llum, dak ir-riżultat jew agħar wieħed jistenna minħabba dan in-nuqqas ta’ xita.

Ma damitx ma waslet ir-risposta mis-sit it-Temp Madwarna. Il-persuna li tieħu ħsieb it-Temp Madwarna tella’ t-tweġiba tiegħu li hija din li ġejja fejn spiċċa jgiddeb lil ta’ The Times.

Dan juri f’liema stat tal-biki tinsab The Times illum taħt Herman Grech u sħabu. Dawn jieħdu l-flus mill-Ewropa biex jattakkaw lin-nies li jippruvaw jagħmlu xi ħaġa ta’ ġid. Imma dak li laqagħtni huwa dak li l-persuna li jieħu ħsieb dan is-sit kiteb li l-kuntratturi tal-bini qed jużaw l-ilma tal-pjan mingħajr l-anqas ma jħallsu għalih biex jagħmlu l-konkos.

Lil dawk li qaluli li b’dan il-budget jien mort tajjeb għaliex il-gvern qed jissussidjali l-enerġija, issa tafu għal minn qed jissussidja l-enerġija l-gvern. Dan il-gvern il-proġetti tal-kuntratturi jissussidja għaliex iħallihom jieħdu ilma ta’ kulħadd u ma jħallsu xejn u l-poplu Malti jrid iħallas għall-ilma u l-gvern jgħidlu li qed jagħmilu pjaċir għaliex qiegħed jissussidjah!

Din bħal tar-rizzi ġejja. Daqt inkunu tlifna l-ilma tal-pjan kollu u mbagħad noqgħodu nagħmlu l-esperimenti biex naraw kif ser nerġgħu nġibuh. Mhux biss dan hu gvern tad-dilettanti imma media ukoll li tridha li taf ħafna u tipprova tkisser lil min jipprova jagħmel xi ħaġa.