Waqt li Silvio Schembri jiftaħar bis-suċċess ta’ Sigma anki jekk ikkawżat konġestjoni ta’ traffiku, eks-MP Laburista jgħid lill-gvern li l-kumpaniji barranin qed jaħarbu minn pajjiżna

Qed inġib messaġġ li tella’ Silvio Schembri, il-Ministru tal-Ekonomija biex jiddefendi lil Sigma u l-konġestjoni kbira ta’ traffiku li nħolqot. Schembri jgħid li din l-attivita’ kienet “worthed it”, anki jekk kien hemm din il-konġestjoni kollha fit-toroq tagħna għaliex kieku ma saritx f’Malta kienet tmur f’xi pajjiż ieħor.

Imma mhux ta’ l-istess parir hu l-eks-deputat Laburista Joseph Sammut. Sammut iddeskriva dan kollu bħala farsa. Sammut ma ddejjaqx jikteb li kumpaniji barranin qed jaħarbu minn pajjiżna minħabba burokrazija żejda ikkawżata mill-banek. Anzi jgħid lill-gvern li għandu jiffaċċja r-realta’ u jneħħi dan il-ħafna bullshit li hawn.