Manwel Cuschieri jikkritika l-fatt li esponenti politiċi Laburisti, fosthom Joseph Muscat, tħallew barra mill-attivitijiet tal-Europride

Manwel Cuschieri tella’ post fejn ikkritika l-fatt li esponenti Laburisti importanti, fost Joseph Muscat, tħallew barra mill-attivitajiet tal-Europride. Il-mod kif kiteb Cuschieri ta’ x’wieħed jifhem li din kienet ħadma bejn il-gvern u l-organizzaturi biex esponenti importanti Laburisti, li dan il-gvern qed ifittex li jwarrab jew li warrab, jitħallew barra apposta minn dawn l-attivitajiet. Cuschieri kkritika l-fatt li dawn l-organizzaturi ppreferew persuna bħal Claudette Buttigieg, li ddeskrivija ta’ Simon Busuttil, minn Joseph Muscat. Esponenti oħrajn li semma’ Cuschieri kienu Rosianne Cutajar u Edward Zammit Louis.

Il-fatt li Joseph Muscat ma kienx preżenti huwa indikazzjoni ċara li dan ma ġiex mistieden. L-istess jista’ jingħad għall-oħrajn li semma Cuschieri. Mela l-organizzaturi bagħtu messaġġ li Joseph Muscat, Edward Zammit Louis u Rosianne Cutajar huma persuni non grati għall-LGBTIQ+ community f’Malta. Fi kliem ieħor, l-organizzaturi aktar jimpurtahom mill-immanuvrar politiku u jużaw dawn il-manifestazzjoni biex jibgħatu messaġġi dwar politiċi min-naħa tal-gvern li għandhom ikunu oskurati, milli mill-veru interessi tal-grupp li huma jgħidu li jappoġġaw.

Mela sewwa qed jikteb dan is-sit, li din kienet manifestazzjoni biex titfa’ l-bżar fl-għajnejn.