Jista’ David Casa jiċċekkja ftit jekk hux veru dak li qed jingħad li ħabib intimu tiegħu u tar-Repubblichini kien jibgħat in-nies għand Silvio Griscti?

Ilbieraħ qrajna fil-media li d-deputat Nazzjonalista ġewwa l-Brussel, David Casa, sejjer jaħsel il-ħwejjeġ tal-Maltin barra. Minn barra l-fatt li din l-istorja ser tagħmel ħsara lill-Partit Nazzjonalista għaliex il-Maltin ma jieħdux gost b’dawn l-affarijiet, jista’ David Casa jiċċekkja ftit jekk qattx kien hemm xi wieħed mill-ħbieb tiegħu, li ġieli bagħat nies għand Silvio Griscti?

Qabel ma David Casa fetaħ ħalqu fuq din il-kwestjoni, il-Partit Nazzjonalista kien ġa beda jgawdi mir-rabja tan-nies kontra l-Gvern. Anke l-Laburisti bdew jgħidu li dawn l-affarijiet ma kienux sew. Bdew jgħidu li verament hemm is-serq taħt il-Labour. B’hekk bdew forsi jaħsbu li bil-Partit Nazzjonalista fil-Gvern, ma kienx ser ikollna dan it-tip ta’ serq u nepotiżmu.

Iżda malli David Casa mar u qal li ser jieħu l-kwestjoni fil-Parlament Ewropew, in-nies mill-ewwel iddarrset għax ma tridx lil Malta taqa’ għaċ-ċajt barra. Kien f’dan il-kuntest, li dan is-sit irċieva messaġġ minn persuna mill-PN dwar persuna tar-rule of Law u ħabiba ta’ David Casa u talabni biex niċċekkja dwarha. Ġejt mitlub biex nistaqsi lil David Casa jekk hux veru li ħabib intimu tiegħu, li tgħajjat bil-kawża ta’ Daphne Caruana Galizia, kienx jibgħat in-nies għand Silvio Griscti. Għalhekk qed nitlob lil David Casa, biex qabel joqgħod jgħajjat barra minn xtutna li f’Malta hawn il-korruzzjoni, jiċċekkja ftit dan il-fatt.

Imma l-Partit Nazzjonalista ma jitgħallem qatt. Il-lezzjoni baqa’ qatt ma ried jitgħallimha. Din hija strateġija ħażina. Dan hu dak li jnaffar lin-nies. Għalhekk il-PN qatt ma hu ser ikun fdat mill-poplu. David Casa ser ittellef lill-Partit Nazzjonalista mill-akkwisti saru f’Malta għaliex issa reġgħet inħolqot antipatija ġdida lejn il-Partit Nazzjonalista. Fuq kollox, din l-istorja ta’ Griscti ser tkompli tikxef l-ipokrezija ta’ dan il-partit. Għalhekk il-Partit Nazzjonalista hu ddestinat li jibqa’ fl-Oppożizzjoni.

Imma l-aqwa li David Casa jipprova jiġbor xi erba’ voti. Kull ma jrid huma 15,000 vot tal-elitisti biex jitla’ fil-Parlmanent Ewropew. Fi kliem ieħor, hu qed ifittex il-voti ta’ dawk li jaħsbu li huma jistgħu jitħanżru minn fuq flus il-gvern għax dak dritt u mhux pjaċir, imma ħaddieħor le.