In-nies tat-tieni distrett iħossuhom ittrattati ta’ ċittadini tat-tieni klassi u jgħidu li “biċċa” ministru jieħu ħsieb id-distrett tiegħu aktar mill-Prim Ministru jieħu ħsieb dawk tiegħu.
Minn Nimrod.
Qed nippubblika ftit ritratti biex nuri li l-ambjent li fih jgħixu n–nies fin-naħa t’isfel ta’ Malta u kif dan hu differenti mill-ambjent li fih jgħixu n-nies fin-naħa ta’ fuq ta’ Malta. Fi kliem sempliċi, in-nies tas-south qed jiġu ttrattati differenti minn-nies li jgħixu fin-north.
Ftit tal-jiem ilu ġie nawgurat il-beleveder ġdid ġewwa l-lokalita’ ta’ San Pawl il-Baħar. Sew għamel il-gvern li nvesta f’din il-lokalita’. Mir-ritratti pprovduti fil-media, jidher li dan hu belveder li ġie sabiħ ħafna u ċert li se jitgawda mit-taxpayers li jgħixu f’dawk l-akkwati.
Allura nistaqsi għaliex in-nies tas-South, b’mod partikulari in-nies li jgħixu x-Xgħajra m’humiex ittrattati bl-istess mod? Mhux l-istess baħar u veduti għandhom? Anki aħna għandna lokalita’ quddiem il-baħar li hija sabiħa. Imma minflok Belveder il-ġmiel tiegħu hemm telqa’ kbira. L-aħħar proġett li sar f’din il-lokalita’ kien taħt Lawrence Gonzi, imma lanqas jibda’ ħdejn dak ta’ San Pawl il-Baħar. Dan ir-ritratt ta’ hawn taħt jitkellem waħdu l-istat li tinsab fih din il-lokalita’.
Nifhem li l-Ministru Clayton Bartolo jikkontesta fuq San Pawl il-Baħar u allura jimbotta proġetti fid-distretti tiegħu. Imma ninsab ċert li llum ma jafx fejn tinsab ix-Xgħajra u l-anqas jimpurtah minnha, għax kieku ma jħallihiex f’dan l-istat.
Infakkar li sar tant ftaħir meta Robert Abela laħaq Prim Ministru fejn kien intqal li t-tieni distrett mhux ministru għandu iżda Prim Ministru. Imma jidher li llum aħjar ikollok “biċċa” ministru milli Prim Ministru fid-distrett tiegħek għaliex forsi ssir xi ħaġa. Ara aħna n-nies tax-Xgħajra tellajna Prim Ministru u spiċċajna fi stat ta’ abbandun. In-nies ta’ San Pawl il-Baħar tellgħu “biċċa” ministru u spiċċaw bi proġetti l-ġmiel tagħhom.
Milli jidher lanqas Robert Abela ma jaf fejn tinsab ix-Xgħajra. Sfotunatament il-kunsilliera Laburisti ta’ din il-lokalita’ b’ħalqhom magħluq quddiem dawn l-affarijiet kollha, għax trid tkun bla demm biex tara aħbar bħal din u ma tlissinx imqar kelma waħda fuq l-istat diżastruż li tinsab fih din il-lokalita’ li għal ġieħna hija lokalita’ fuq id-distrett tal-Prim Ministru. Is-South itella’ l-Lejber biex isawtu u biex mill-voti tiegħu jgawdu dawk tan-naħa ta’ fuq ta’ Malta u huwa jibqa’ bir-riħa. Verament tal-mistħija.
Għalhekk nistaqsi lil min qara dan l-artiklu jekk jaħsibx li t-taxpayers ġewwa s-South huma stmati bl-istess mod bħat-taxpayers ġewwa n-North? Ir-ritratti jitkellmu waħidhom.
Hawn taħt qed inġib ritratti li juru l-bankina jew aħjar il-promenade ġewwa x-Xgħajra. X’differenza minn dik ta’ San Pawl il-Baħar! Fir-ritratti ta’ hawn taħt juru t-telqa li tinsab fiha x-Xgħajra, distrett li fuqu jiġi elett il-Prim Ministru ta’ dan il-pajjiż.
Sorry Nimrod but you are wrong here. St. Paul’s Bay is not just that 150 metre strip that was pompously inaugurated. That strip is beautiful. But the remaining 5 km of promenade are in a state much worse than your pics portray. The areas around Beachhaven and Veccia are dirty. School Street promenade – Thalassalejn – are a complete filthy disgrace. Only the Bugibba promenade is regularly swept. Believe me most of this town is in a shambles. The Senglea / Cospicua / Vittoriosa fronts are just a dream for those who live in SPB. I have family living there, so I know what I am saying.
Nixtieq ngħid lil “Nimrod”, li dak li kiteb għandu raġun biex ibigħ, għax anke r-ritratti li ppubblika juru delqa tremenda. Jekk imur sal-ġnien ta’ San Anton f’Ħ’Attard, hemmhekk mhux telqa jara imma diżastru, speċjalment ċerti passaġġi, li waqt li timxi fuqhom, jaqbillek iżżomm kuruna tar-rużarju f’idejk, forsi xi qaddis jgħinek ħalli ma tispiċċax wiċċek ‘il fuq Mater Dei. Min hu nkarigat minn dan il-ġnien, malajr solviha l-problema għax fejn hemm passaġġi agħar minn wiċċ il-qamar, għamel barrikati biex ħadd ma jgħaddi minnhom għax perikulużi! Dan ifisser li dan il-ġnien flok kiber ċkien! Issa dan kull filgħodu, jekk jogħġbok, tara xi erba’ coaches ħdejn dan il-ġnien, li jkun wassal għadd ta’ turisti biex iżuru dan il-ġnien! Naħseb meta joħorġu minn hemm, jippruvaw it-temperatura tad-deni għax ma jibdewx iħossuhom f’sikkithom! Int u dieħel f’dan il-ġnien, fuq ir-rixtellu hemm żewġ iljuni tal-ġebel, wieħed minnhom m’għadux jidher, mhux għax serquh, imma għax tant kiber ħaxix miegħu li sparixxa. Biex issib bank biex tpoġġi ftit bilqegħdha, l-ewwel trid titlob lil Sant’Antnin, dak il-qaddis li jgħidu jsib l-affarijiet mitlufin. Ftit snin ilu, Ministru kien qalilna li se jitpoġġew bankijiet ġodda madwar il-ġnien kollu. Sakemm qiegħed nikteb, dawn l-imberkin bankijiet għadhom ma tfaċċawx. Min jaf x’ġara, forsi l-vapur li kien ġej bihom għereq? Il-ftit bankijiet li hemm tant huma komdi, li ħafna jieħdu magħhom imħadda biex ipoġġuha taħthom!! Xi kultant ngħid lili nnifsi, imma possibbli din it-traskuraġni jien BISS naraha, mela kulħadd bla indifferenti? Ħaġa hemm tajba u nixtieq ngħidilhom prosit lil dawk il-ħaddiema li jieħdu ħsieb iħawwlu l-pjanti u jikkultivaw il-ħamrija, għax veru ħaddiema ddedikati għax-xogħol tagħhom, għax bil-ħidma tagħhom, almenu jittaffew xi ftit in-nuqqasijiet l-oħra. L-ewwel nieħdu ħsieb li għandna, imbagħad noħolqu postijiet ġodda. Għalija u għal ħafna, dan il-ġnien huwa ġawhra ħasra li ma nieħdux ħsiebu.
And what about Upper Barrakka gardens? The large pond has been without water for months on end and this is a place visited daily by many tourists!
Dik il-vaska tal-Barrakka ta’ Fuq tinsab mingħajr ilma, għax ilha ma tagħmel xita. Issa nitolbu ftit, forsi jitla’ ftit sħab u tagħmel xi ħalba tajba. Sorry, ħadt żball, għax insejt li qegħdin fix-xahar t’Awwissu, għax is-soltu nitolbu għax-xita f’Diċembru u Jannar! X’tippretendi f’dawn ix-xhur, xemx tiżreġ?
Ghax ghal Clayton Bartolo, is-south m’huwiex ikkunsidrat bhala Zona Turistika. Clayton Bartolo irid biss li z-zoni tad-distretti tieghu jidhru attraenti halli t-turisti (minghalih) imorru hemm fuq biss, halli tal-lukandi u tar-ristoranti ikunu kuntenti u jkunu jistghu jghinuh la tasal elezzjoni ohra. Innutaw:
1. Pjazza tal-mellieha
2. Progett ta’ l-Ghadira
3. Rigenerazzjoni ta’ Bugibba
4. Promenade tax-Xemxija
5. Promenade ta’ San Pawl il-Bahar
6. Kazin tal-banda tan-Naxxar, tal-Mellieha, ta’ Birkirkara
U l-Kottonera? U Wied il-Ghajn? U l-Belt Valletta? U tas-Sliema? U San Giljan? u x-Xghajra?
Tfal u Pozi!