Clyde Caruana ma għandux risponsabbli tal-Malita wara l-ġlieda bl-idejn mal-Prim Ministru waqt laqgħa tal-kabinett.

The Times tatna l-aħbar li l-Ministru Clyde Caruana tneħħielu r-responsabbilita’ tal-Malta Investiments jew kif inhija aħjar magħrufa bħala l-Malita. Din ser tingħata lil Roderick Galdes. Fil-fatt dawn ir-responsabbilitajiet ġa tneħħewlu u ngħataw lil Galdes, bl-iskuża li din issa ser tintuża għall-bini tal-housing estates.

Hu fatt magħruf li l-Prim Ministru qed isejjaħ lill-ministri biex jiddiskuti magħhom il-bżonn ta’ reshuffle li jrid jagħmel imma ħafna ministri qed jirreżistu u qed jgħidulu li ma jridux jiċċaqalqu. B’hekk kif ħabbar dan is-sit, ser ikun diffiċli għall-Prim Ministru biex jagħmel reshuffle.

Fost dawk li għajjat kien hemm Clyde Caruana. Caruana rreżista u l-battibekk li kellhom bejnithom tkompla waqt cabinet meeting. Tant kemm saħnet il-qiegħa, li dawn spiċċaw ġew fl-idejn u kellhom jintervjenu l-messaġġiera biex jifirduhom u jikkalmaw is-sitwazzjoni. Ħafna ministri tal-gvern qed jitkellmu dwar din il-ġlieda apertament.

Wara din il-ġlieda, il-Prim Ministru ddeċida li jneħħi l-Malita minn taħt Clyde Caruana. Din ħarġet f’The Times. Dan is-sit jista’ jżid ukoll li dan seħħ mill-ġimgħa l-oħra. Fi kliem ieħor, Clyde Caruana ma għadux aktar il-ministru risponsabbli mill-Malta Investiments u din issa għaddiet għand Roderick Galdes. Fost il-proġetti li għamlet il-Malita hemm il-bini tal-Parlament.