Qed jissemma reshuffle fil-gvern ta’ Robert Abela

Qed tikber il-pressure fuq il-Prim Ministru biex jagħmel reshuffle. Dan wara s-surveys li ħarġu l-Ħadd li għadda li qed juru li l-Partit Laburista qiegħed fi freefall. Infatti bħalissa għaddej ħafna diskors fiċ-ċrieki interni tal-Lejber li ser ikun hemm reshuffle. Din qed tikber minħabba li hu mistenni li Anton Refalo jirreżenja minn ministru peress li ser jitressaq il-qorti. B’hekk ħafna qed jaraw din bħala okkazzjoni għall-Prim Ministru li jagħmel reshuffle. Pero’ sinċerament ma naħsibx li dan ser ikun il-każ. Jekk jirreżenja Refalo, anki b’mod temporanju, ser tilħaq minfloku Alicia Bugeja Said. Finalment dan kien dejjem il-pjan tal-gvern li Said tieħu post Refalo.