Iż-żewġ surveys ta’ għada ser juru li l-iswitchers għadhom jiddeterminaw ir-rebħa fil-PL anki jekk hemm rabja kbira fil-bażi ta’ dan il-partit li minnha l-PN ma hu jieħu xejn.

Għada ħerġin żewġ surveys, wieħed f’The Times u l-ieħor fil-Malta Today. Iż-żewġ surveys ħa jkunu qrib xulxin meta wieħed janalizzahom imma jidher li ta’ The Times ser ikun ftit aktar oġġettiv.

Dawn ser ikunu surveys mhux sbieħ għall-partit fil-gvern. Imma xorta, il-PN ma tantx għandu fejn ikanta vittorja għaliex xorta mhux eleġibbli. Fi kliem ieħor, anki jekk il-PL naqqas sew l-appoġġ, xorta ma hux f’pożizzjoni li jkun fdat mill-elettorat.

Dak li ser juru dawn is-surveys huwa li qed jikber in-numru tan-non-voters. Imma dan xorta qed imur favur il-gvern. Il-PN ma hu qed jiggwadanja xejn. Dak li ġralu l-Lejber huwa li hemm rabja fost il-partitarji akkaniti tiegħu, jiġifieri d-diehards. Dawn huma rrabbjati u qed jgħidu li mhux ser jivvutaw lil-Lejber imma mhux ser jivvutaw PN. B’hekk qed jinnewtralizzaw lilhom infushom.

Imbagħad hemm dawk li kienu switchers, jiġifieri dawk li qalbu mill-PN għal-PL. Dawn illum saru l-ikbar asset tal-Lejber. Dawn huma dawk il-votanti li mhux lesti li jivvutaw lill-PN. Dawn ma jridux imorru lura. Fi kliem ieħor, dawn jistgħu jkunu mdejqin bil-Lejber imma xorta ser jibqgħu jivvutaw lil-Lejber u mhux lesti li jivvutaw lill-PN għaliex jafu li jekk jitla’ l PN ser jivvendika ruħu minnhom u mill-familji tagħhom.

Mela s-surveys ta’ għada ser juru li l-iswitchers għadhom jiddeterminaw min verament ser irebbaħ l- elezzjoni u dawn l-iswitchers b’saħħa kbira ma jridux il-Partit Nazzjonalista fil-gvern. Qabel konna nirreferu għall-iswitchers bħala l-floating voters.

U jekk hemm xi dubju li din l-analiżi mhix tajba, ħarsu lejn dan il-messaġġ li tella’ Jason Azzopardi li hu żgur qrib il-ġurnalisti ta’ dawn il-media houses li qed jagħmlu dawn is-surveys. Il-messaġġ tiegħu hu ċar. Il-PN ma għandux għalfejn ikanta glorja mis-surveys ta’ għada għaliex anki jekk mhux ser ikunu daqshekk favorevoli għall-Prim Ministru, xorta qed juru “traġedja nazzjonali”. Jason Azzopardi jkompli jgħid li mhux qed jagħtu ġejjieni lill-Malta. Kliem bħal dan għandu jkun interpret li xorta l-PL għadu jidher bħal dak il-partit li jekk issir elezzjoni, jkun il-partit rebbieħ.