X’ser tagħmel il-pulizija issa? Ser tressaq lil Nicky Azzopardi fuq hate speech?

Qed inġib kumment li għamel fuq Facebook Nicky Azzopardi lil Ivan Grech Mintoff. Din hija diskursata bħal ma kienet dik ta’ Fr. David Muscat ma’ persuna oħra. Anzi din bdiet wara li Grech Mintoff tella’ post kontra l-gay parade f’Għawdex.

Lil Fr. David Muscat, il-pulizija ressqitu l-qorti, u l-qorti tal-appell tagħtu sitt xhur ħabs sospiżi.

Issa x’ser tagħmel il-pulizija fuq dan il-kumment ta’ Nicky Azzopardi? Dan hu gravi daqs jew agħar minn dak ta’ Fr. David Muscat! Jew għax Nicky Azzopardi hu ta’ orjentament sesswali li kulħadd jaf x’inhu u l-eks-ajjutant ta’ David Casa, huwa immun mill-prosekuzzjoni tal-pulizija? Fejn qiegħed issa l-avukat tar-Repubblika Savona? Ser jagħmel l-istess argumenti kontra Nicky Azzopardi bħal ma għamel kontra Fr. David? U jekk le, għaliex?

Qed ngħid dan, mhux għax irrid li jinbdew proċeduri kontra Nicky Azzopardi. L-anqas xejn. Alla ħares isir hekk. Qed ngħid dan biex nuri li dawn il-liġijiet tal-hate speech li ġew mgħoddija mill-parlament saru biex jitkissru n-nies eterosesswali u jiġu glorifikati dawk ta’ orjentazzjoni differenti għaliex qalulna li dawn vittmi. Minn dan il-kumment ta’ hawn fuq, naħseb li meta għaddew il-liġi, kienu ftit fis-sakra l-membri parlamentari tagħna u ħadu daqsxejn ta’ falza stikka. Jekk xejn, wieħed jista’ jargumenta li jafu jiddefendu ruħhom!