L-Arċisqof Scicluna għandu raġun: ma hemm l-ebda lok ta’ azzjoni kontra Dun David Muscat

One News għamlet storja dwar il-fatt li l-Arċisqof Charles Scicluna qal li mhux ser jieħu azzjoni kontra Dun David Muscat wara li l-imħallfa Edwina Grima waħħlitu sitt xhur ħabs sospiżi għal xejn. Infakkar li l-imħallfa Grima bbażat is-sentenza tagħha fuq opinjoni personali tagħha u mhux abażi tal-fatti. The Malta Independent kważi kważi ħaditha kontra dan il-qassis intelletwali minflok ddefendiet l-liberta’ tal-espressjoni. Suppost din hija gazzetta li kienet tqis il-liberta’ bħala xi ħaġa sogrosanta.

Infakkar li Dun Muscat jaħdem ħafna fil-kommunita’ tiegħu ġewwa l-Mosta u l-quddisiet tiegħu jkunu mimlija nies. Ovvjament, hemm ħafna fil-kamp Laburista li huma kontrih minħabba l-kritika tiegħu għall-gvern ta’ Joseph Muscat aktar milli għal ħaġa oħra.

Imma dak li l-ġurnalisti liberali u dak il-qassis li tkellem fl-anonimat ma’ One News iridu jifhmu li skont il-liġi kanonika, Fr. David Muscat ma għamel xejn ħażin. U jekk persuna tkunx qassis jew le, ma tiddeċidihx il-liġi tal-istat imma l-liġi kanonika. Jekk xejn, dan il-qassis qal b’mod sempliċi dak li tgħid il-knisja kattolika. Mela kif arċisqof jista’ jagħti każ ta’ sentenza ta’ mħallfa li hija dubjuża u dibattibbli? Fuq kollox, din mhux l-ewwel sentenza dibattibbli ta’ din l-imħallfa.

Nerġa’ ngħidha Fr. David ma kiser l-ebda preċett kanoniku meta kien qed jitkellem ma’ ħaddieħor dwar id-delitt li għamel Abner Aquilina. U l-anqas offenda lil xi ħadd meta għamel dak l-istatement. B’hekk ma jista’ qatt jiġi attwat kontra tiegħu l-ebda preċett penali min-naħa tal-Knisja jew tas-superjuri tiegħu.

Waqt li normalment dan is sit hu kritiku ta’ dan l-arċisqof, fuq din ngħidlu prosit u għandu raġun. Din id-darba, rebaħ is-sens komun. Anzi nemmen li l-arċisqof kellu jkun aktar qawwi fil-konfront tal-attakki orkestrati kontra dan il-qassis mill-media tas-sekulari u klikek li ħatfu l-qrati taħt idejhom. Jekk mhux ser jieqfilhom, ser isib aktar ma’ wiċċu. Dawn witch hunts qed jagħmlu kontra l-qassisin. L-arċisqof Scicluna jrid jieqaf jibża’ mit-theddid tagħhom.