Payback time: Il-PN qed iħammem mozzjoni kontra Ian Borg fil-Parlament minħabba s-sentenza tal-qorti dwar is-swimming pool tiegħu

Issa huwa ż-żmien tal-payback time għall-Partit Nazzjonalista. Bħal Beppe Fenech Adami, Ian Borg inqabad li mhux biss għandu swimming pool f’żona ODZ, imma issa hemm sentenza kontrieh fil-qorti.

Infakkar il-kampanja li kien għamel il-Lejber kontra s-swimming pool li bena Beppe Fenech Adami. Niftakar li kienu talbuni biex nidher fuq in-NET TV u anki kont iddefendejt id-deċiżjoni ta’ Beppe Fenech Adami li jkollu swimming pool mad-dar tiegħu.

Anki hawn, forsi nidher ftit barra mill-loki, imma wieħed irid jara fejn ser naslu. Mhux ser ngħid bħat-tfal, li persuna importanti fil-PN sa permess biex jagħmel swiming pool fuq is-swar tal-Imdina ġab. Il-problema tinsab fil-fatt li ċertu persuni jġibu dawn il-permessi u oħrajn, nies komuni jgħadduhom minn martirju fuq permessi iċken. Huma dawn l-affarijiet li jweġġgħu lin-nies.

Imma issa l-Prim Ministru jinsab dahru mal-ħajt. Fuq affarijiet ħafna iċken ġiegħel membri fil-kabinett tiegħu biex jirriżenjaw. X’ser jagħmel issa quddiem din it-talba tal-Partit Nazzjonalista? Għaliex fil-politika, qed nispiċċaw bħal fl-istorja tal-permessi, skont min inti.

Dak li hu żgur, li l-konferenza li saret illum mill-Partit Nazzjonalista kontra Ian Borg minħabba dan is-swimming pool huwa l-ewwel pass fi strateġija aktar wiesa’ li għandha twassal biex naraw mozzjoni oħra fil-parlament, din id-darba kontra Ian Borg u biex il-Prim Ministru jneħħieh. Infatti, dan is-sit jinsab infurmat li qed titħammem din il-mozzjoni kontra Ian Borg.

F’dawn iċ-ċirkustanzi, ma nafx kemm Ian Borg ser jibqa’ ministru. Ġa ġie mqiegħed ministru tal-Affarijiet Barranin, li fil-kamp Laburista ġabuh ifisser ministeru li tagħtih lil dawk id-deputati li trid teħles minnhom.

F’dawn iċ-ċirkustanzi għandi dubji kemm Ian Borg iwassal sal-aħħar ta’ din il-leġislatura u naħseb jew aħjar nipprevedi li jkun hu, li jgħid li ser jieqaf mill-politika.

Iż-żmien għal darba oħra jagħtina parir.