Jista’ Matthew Caruana Galizia jispjega għala qatt ma talab investigazzjoni serja fuq il-Ministru Chris Cardona? Għax għandu l-faħam miblul.

Issa ħarġet l-aħbar li skont Vince Muscat il-Koħħu, wieħed mill-assassini ta’ Daphne Caruana Galizia iltaqa’ mal-eks-Ministru Chris Cardona ġewwa l-Hilton. Il-Koħħu qed jgħid li kien ħa wieħed mill-aħwa Degiorgio għal din il-laqgħa fejn fiha ġie miftiehem biex tinqatel Daphne Caruana Galizia għas-somma ta’ 150,000 euro. Dan kien fl-2014. Din hija affermazzjoni serja ħafna. Din intqalgħet taħt ġurament fil-qorti.

Mhux ser nidħol fil-mertu ta’ din l-affermazzjoni. Imma din ser ikollha konsegwenzi serji fuq dan il-gvern u anki fuq il-ministri tal-istess gvern. Infakkar li hemm żewġ ministru preżenti li kienu jaħdmu fil-qrib u direttament ta’ Chris Cardona. Issa r-Repubblichini ser jitolbu għar-reżenja tagħhom?

Imma hawn wieħed jistaqsi kif l-investigaturi qatt ma nvestigaw dan id-dettal sew? Infakkar li Matthew Caruana Galizia qal li l-prim investigatur huwa l-eroj tiegħu. Infakkar li meta bdejt nistaqsi dwar dan id-delitt u dwar dak li kien qed jgħid Matthew Caruana Galizia, ġejt mgħajjar li jien mixtri minn Yorgen Fenech.

Kull ma għamilt jien kien li bdejt nistaqsi dwar il-ħafna inkonsistenzi li Matthew Caruana Galizia beda jgħid dwar dak li ġara dak in-nhar li nqatlet ommu. Infakkar li l-familja ta’ Caruana Galizia kienu qalu li kienu kuntenti għaliex l-assassini kollha nqabdu. Hekk ukoll qalilna l-Kummissarju tal-Pulizija. Imma jidher li għad hemm ħafna affarijiet miftuħa f’dan il-każ.

Hawn kemm ngħid li l-aħħar messaġġ ta’ Daphne Caruana Galizia kien dak li “There are crooks everywhere you look now. The situation is desperate.” Matthew Caruana Galizia jaf sew għal min kitbitu dan il-messaġġ ommu! Ħa ngħidilu ħalli ma jkunx hemm ekwivoċi. Daphne Caruana Galizia kienet kitbet dan il-messaġġ għalih u għall-familja tagħha. Imma minflok kellna pulizija tagħmel investigazzjoni serja u kif suppost, ħalliet lil Matthew Caruana Galizia jkisser l-evidenza li kien hemm fil-computer. Dan għaliex f’dan il-computer kien hemm evidenza kontra l-istess familja tiegħu. Imbagħad, il-maġistrat li kien responsabbli għal din il-qerda ta’ evidenza tħallas tajjeb billi għamluh imħallef! Fuq kollox, il-familja Caruana Galizia ngħatat il-fakulta’ li tagħżel l-imħallfin u l-maġistrati. Nispera li ma sarx dan li jgħidulu bl-Ingliż horse trading, jiġifieri l-familja tħalliet tkisser evidenza li kien hemm fil-computer u tħalliet tagħżel il-ġudikanti li riedet hija bil-patt li l-istess familja Carauana Galizia ma timplikax politiċi u ministru tal-gvern f’dan id-delitt!

Issa nispera li kull min jaqa’ fuqu suspett ta’ femmiċidju – jingħata d-dritt li jagħżel l-imħallfin u l-magistrati kif ingħatat dan id-dritt il-familja Caruana Galizia għaliex dak li hu sauce for the goose is sauce for the gander. Fuq kollox, il-membri tal-familja Caruana Galizia kienu jafu x’kien hemm inkomuni bejn 2014 u 2017. Dak li kien hemm inkomuni ma kienx il-kuntratt tal-Electrogas imma xi ħaġa oħra li l-famużi mħallfin qatt ma riedu jinvestagaw u l-anqas il-pulizija, anki jekk kienu jafu biha. Infakkar x’kien qalet Helena Dalli. Dan hu femmiċidju! Infakkar x’kienet għamlet fl-2014 Daphne Caruana Galizia. Minħabba dik l-azzjoni spiċċat ġiet irrappurtata l-għassa tal-Mosta! Imma għala ħadd ma jistaqsi għala Daphne Caruana Galizia kienet garat il-platti fl-2014?

Anki jekk The Times ippruvat iddaħħal lil Yorgen Fenech f’dan kollu, issa qed joħroġ ċar li Yorgen Fenech ma kienx il-mastermind ta’ dan id-delitt. L-anqas kien il-mastermind, kif kien qalilna Peppi Azzopardi, wara l-attent ta’ qtil li kien hemm maħsub fl-2014. Issa sirna nafu mill-qorti li wieħed mill-qattiela ta’ Daphne Caruana Galizia stess qed jgħid li qatt ma kien sema’ bl-isem ta’ Yorgen Fenech. Meta mistoqsi mill-avukata Anna Mallia, Vince Muscat il-Koħħu qal ċar u tond fil-qorti li kemm fl-attentat tal-2014 u f’dak tal-2017 ma kienx sema’ bl-isem ta’ Yorgen Fenech. Infatti Vince Muscat qal li huwa sema’ għall-ewwel darba bl-isem ta’ Yorgen Fenech wara li splodiet il-bomba! Imma l-media kollha tkellmet li Yorgen Fenech huwa l-mastermind ta’ dawn l-attenti. Imma l-media għoġobha temmen lil Melvin Thuema!

Issa tifhmu għala dawn l-attakki kollha kontra dan is-sit u kontrija personalment mill-forzi tad-dlamijiet ta’ dan il-pajjiż, inkluż mill-avukat ġenerali Galea Farrugia u mill-media tal-Arċisqof Scicluna.