Kunsillier Laburista jikteb lil dan is-sit dwar il-qagħad imwegħra tal-gvern

Għażiż Prof. Mercieca,

Ftit tax-xhur ilu kont ktibtlek li xtaqt ngħaddilek il-ħsibijiet tiegħi ta’ dak li għaddej minnu il-PL fil-Gvern bħallissa. Jiena Kunsillier f’lokalita li bħal bosta għaddejja minn problemi li niltaqgħu magħhom ta’ kuljum. Ma’ dawn il-problemi iżda jkun hemm minnhom li jispikkaw u tkun trid l-għajnuna tal-politiku sabiex tressaq ilmenti li jkunu ġenwini u mressqa minn nies li bil-vot tagħhom tahom is-seta li jmexxu. 

Il-PL bħallissa għalxejn qiegħed jippoppa li huwa xi Gvern li qiegħed man-nies jew jisma’, għaliex minn dan mhu veru xejn. Spiċċa kopja tal-gvern ta’ Gonzi bejn l-2008 u l-2013. Meta titkellem ma’ membri parlamentari li huma ‘heavy weights’ fil-Gvern, kollox iwa jgħidulek, iżda meta tkun qed tistenna risposta issir taf li diġa’ ħadmuk u ftehmu xi ħaġa oħra minn wara dahrek, għaliex inti ma’ qbiltx ma’ ċerta deċiżjonijiet li ttieħdu jew li ser jittieħdu. 

Jekk tikteb xi ħaġa fuq il-mezzi soċjali, pront qed ikunu dawk li qegħdin ippappuwa fil-ministeri jew fl-entitajiet li jċempulek u jtuk tgħajjira, anki minn Ministri stess qegħda tiġri din. Membri u delegati bħalissa qegħdin iħossu li ma’ tistax titkellem jew turi d-diżappravazzjoni tiegħek għal ċerta deċiżjonijiet li qegħdin jittieħdu. 

Dr. Abela irid iqum mir-raqda li daħal fiha u jisma’ dak li tassew iridu n-nies għaliex il-ministri, segretarji parlamentari flimkien mad-deputati moħħhom biss kif ser jkabbru il-voti fid-distrett tagħhom u mhux kif jagħmlu l-ġid komuni. Saret in-norm li d-deputati jgħaddu romblu minn fuq kulħadd l-importanti li jkunu eletti fl-elezzjoni li ġejja u addio l-ħsara li qegħdin jagħmlu lil l-Ibliet u lil rħula tagħna. 

Dr. Abela irid jikkunsidra ineħħi id-distretti u nivvutaw għal partit, hekk biss Malta tista tieħu r-ruħ, il-bqija ifred u saltan. 

Għalissa ser nieqaf hawn, biss ser tisma’ aktar minn għandi.

Tisijiet, 

Jekk joġgħbok nixtieq li nibqa’ anonimu. 

PS. Il-persuna li bagħtitli din l-ittra tatni l-ismu tagħha imma għar-raġunijiet ovvji, l-isem tagħha qed jinżamm mistur.