L-istrateġisti fil-PN ġa qed jaħsbu għal Caretaker Manager għal wara l-elezzjonijiet Ewropej.

Minn persuna mid-Dar Ċentrali

Dan l-aħħar deher kumment fil-blog tiegħek minn ċertu John Bonnici. Is-Sur Bonnici ssuġġerixxa l-ħatra ta’ Caretaker Manager minflok Bernard Grech. Dan hu l-kumment tas-Sur Bonnici.

Dak li qal is-Sur Bonnici hija l-istrategija li qed tinħadem fil-qalba tal-PN bħalissa, mis-soltu fazzjoni li issa huwa ċar daqs il-kristall li fil-PN jiddettaw kollox huma.

Min hu midħla tal-PN jaf x’inhu l-pjan: dakinhar li joħrog ir-riżultat tal-Kunsilli Lokali u tal-Parlament Ewropew, Bernard Grech se jkollu jitlaq għax se jkun riżultat diżatruż ieħor. 

Minfloku jitpoġġa bħala kap interim jew aħjar caretaker manager (sal-elezzjoni ġenerali li jmiss), il-viċi-kap preżenti Dr Alex Perici Calascione.

Dr Perici Calascione se jkun il-ħaruf tas-sagrifiċċju. Iżda jkun serva ta’ kap sal-elezzjoni generali li, ma tridx wisq għerf, biex tifhem li fl-elezzjoni ġenerali li jmiss il-PN se jerga’ jitlef bil-kbir. Tant hu hekk, li kif irrappurtajt tajjeb inti, issa anki ġurnalisti ta’ The Times qed jaraw kif jaqgħilu lira ma’ dan il-gvern.

Pero’ dan jispjega wkoll l-attakk qawwi li nfetaħ fuq l-avukat Joe Giglio.

Tal-fazzjoni qed jibżgħu li hekk kif joħroġ ir-riżultat diżastruż tal-Kunsilli Lokali u tal-Ewropa, l-avukat Giglio jiddikjara li lest iservi fil-kariga ta’ lap. 

Dan qed inissel biża’ kbir fost is-soltu klikka li ħatfet il-PN f’idejha. Jafu li b’Giglio bħala kap, il-ħakma tagħhom fuq il-PN tingħata daqqa ta’ ħarta kbira. Allura bdew jattakkawh minn issa biex jippruvaw jaqtagħlu qalbu. 

Fil-ġranet li gejjin, l-attakki fuq Giglio se jiżdiedu b’qilla kbira.

Jekk Giglio joħroġ għall-kap, iħarbtilhom il-pjanijiet tagħhom. Huma jafu li Roberta Metsola mhix se tinżel mill-Belgju biex tmexxi PN imfarrak, mingħajr ebda ċans li jirkupra sal-elezzjoni ġenerali li jmiss. 

Għalhekk ser ipoġġu lil Perici Calascione biex jimla’ l-vojt għal ftit aktar minn sentejn. Jafu li billi jagħmlu hekk il-ħakma tagħhom fuq il-PN tibqa’ u dawk li huma deputati jafu wkoll li jmorru għall-elezzjoni ġenerali u b’xi mod jerġgħu jiġu eletti. 

Dawn hekk biss jinteressahom: li jżommu s-siġġu fil-Parlament u l-ħakma tagħhom fuq il-PN.

Naturalment, din l-istrateġija tkompli żżarma lill-PN, iżda l-interess personali tal-klikka huwa l-eżistenza tagħhom, mhux li l-PN jerġa’ jsib saqajh. 

Ħafna minnhom iffangaw kemm felħu taħt il-25 sena ta’ gvernijiet Nazzjonalisti u komdi biżżejjed biex issa jkomplu jilgħabu bil-PN u jżommu l-poter f’idejhom. 

Nota editorjali: Għada dan is-sit ser ikomplu jippubblika aktar dwar l-istrateġija li qed tinbena bil-moħbi anki tal-istess kap preżenti Bernard Grech biex din il-klikka tkompli tasserixxi l-ħakma tagħha fuq il-Partit Nazzjonalista.