Il-festival tal-Kanzunetta Independenza mhux ser issir din is-sena: jintalab l-intervent ta’ Julie Zahra

Ilbieraħ, dan is-sit żvela li Dione Borg tqabbad biex jieħu ħsieb il-festi tal-independenza. Dan is-sit żvela ukoll li hemm problema marbuta ma’ dawn il-festi minħabba biża ta’ nuqqas ta’ attendenza. Issa l-Gwida żvelat li aktar iwa milli le, l-festival tal-kanzunetta Independenza mhux ser isir.

Dan il-festival kien issa daħal fil-kalendarju kulturali ta’ pajjiżna. Żgur li dan ma kienx ser ibati minn nuqqas ta’ attendenza għaliex dan hu xi ħaġa kulturali u jkun hemm ħafna li qed jistennuh. Din l-okkażżjoni kienet isservi għall-kantanti żgħar biex isiru aktar magħrufa mal-pubbliku. L-istess jista’ jingħad għall-awturi u kompożituri. Dawn ukoll kienu jkunu qed jistennew dan il-festival bil-ħerqa. B’hekk dawk ġodda fil-qasam tal-mużika kienu jitħalltu ma’ oħrajn stabbiliti biex jieħdu sehem f’festival ta’ portata Nazzjonali. Il-Gwida tfakkar li numru ta’ kantanti ħarġu jew saru magħrufa grazzi għal dan il-festival.

Mela hawn żgur ma kienx hemm problemi jew biża li ħadd ma kien ser imur għal dan il-festival. Allura għala dan mhux ser isir? Dawn it-tip ta’ spettakli għandhom in-niċċa tagħhom.

Din l-aħbar fil-Gwida urtat lil ħafna fil-kamp mużikali Malti għaliex dan kien festival li qed jistennuh bil-ħerqa. Imma fuq livell politiku, il-fatt li dan il-festival mhux ser isir, qed jintbagħat messaġġ li mhux veru l-PN jemmen fil-kultura u fil-mużika.

Xi ħadd kitibli u talabni nistaqsi lil Julie Zahra, bħala l-persuna li qed titkellem fuq il-mużika biex tagħmel il-pożizzjoni tagħha ċara dwar din l-istorja u fuq kollox tuża r-rowl tagħha fil-Partit Nazzjonalista biex dan il-festival isir. Il-kantanti jemmnu li għad hemm iċ-ċans li dan il-festival isir.

Jekk ma tagħmilx hekk, żgur li ma tistax tikkitika lill-ħaddieħor meta attivita’ kultural daqshekk importanti tal-Partit Nazzjonalista ser tispiċċa fi żmien meta Bernard Grech hu kap tal-Partit Nazzjonalista.