Teżisti biża’ li Perici Calascione jista’ jġib aktar voti minn Bernard Grech

Ilbieraħ, dan is-sit tkellem dwar il-fatt li l-magna tal-Partit Nazzjonalista ħadmet kontra Alex Perici Calascione fejn saħansitra persuna qrib tiegħu ġie msejjaħ id-Dar Ċentrali u qalulu li qiegħed wara a losing horse.

Dan is-sit jista jkompli jiżvela li n-nies ta’ Bernard Grech diġa bdew jgħidu li l-elezzjoni tal-viċi-kap hija żejda. In-nies qrib Bernard Grech iqisu lil Perici Calashone bħala persuna li qatt ma kien leali lejn Barnard Grech. Il-lealta’ tiegħu tinsab x’imkien ieħor.

Ħadd ma għandu jinsa li Bernard Grech kien qal li bħala viċi-kap ried mara. Issa qed isir kollox bil-kontra. La ġiet viċi-kap mara u lanqas xi ħadd li huwa mitqies bħala leali lejn Bernard Grech. Minflok li jaħdmu għall-ghaqda, in-nies ta’ Bernard Grech qed jkomplu jkabbru l-firda. Issa qed jdawru l-kannuni kontra Periċi Calashone. Dan ser ikun elett żgur għaliex qiegħed itellaq waħdu u għalhekk ħadd ma jrid li dan iġib aktar voti mill-kap.