Jeżisti recording ta’ Arthur Azzopardi jitkellem dwar min huma l-assassini ta’ Daphne Caruana Galizia

Meta l-ġurnalista ta’ Reuters, Stephen Grey, beda is-sensiela dwar l-istorja tal-qtil ta’ Daphne Caruana Galizia, iddeċida li jibda’ b’intervista mal-avukat Arthur Azzopardi. The Times tatna din l-aħbar bħala l-aħbar tal-ġurnata u qaltilna x’qal l-avukat Arthur Azzopardi lil dan il-ġurnalista. Arthur Azzopardi qal lil Stephen Grey li informazzjoni dwar l-investigazzjonijiet tal-pulizija kienet qed tkun “leaked to the underworld”. Fost informazzjoni li ġiet leaked kien hemm dik dwar ir-raid perikoluż li kien sar mill-pulizija fuq dawk suspettati fil-qtil ta’ Daphne Caruana Galizia ġewwa l-Marsa. Ilbieraħ, dan is-sit tella’ artiklu fejn intwera bil-provi, li Azzopardi ma kien qed jgħid xejn oriġinali għaliex Yorgen Fenech kien ġa tkellem dwar dawn il-fatti u semma l-isem tal-persuna li kienet qed toħroġ l-informazzjoni jiġifieri l-istess spettur Keith Arnaud.

Issa dak li hu interessanti, li din l-istorja dwar Arthur Azzopardi ġiet miktuba għal The Times minn Jacob Borg. Jacob Borg fakkarna li Arthur Azzopardi kien eks-avukat ta’ wieħed mill-qattiela ta’ Daphne Caruana Galizia, jiġifieri Vince Muscat il-Koħħu. Borg qalilna li skont din l-aħħar revelazzjoni ta’ Azzopardi lil dan il-gurnalist ta’ Reuters, Arthur Azzopardi kien ġie approċċjat minn “intermedjarju” li Azzopardi ma qalx x’jismu. Imma Azzopardi qalilna li min approċċjah tah dettalji dwar il-pjan tal-qtil ta’ Daphne Caruana Galizia.

Inkun qed ngħid sew, għaliex din kont ser nistaqsiha fil-qorti fil-kawża ta’ libell li l-istess Azzopardi qed jagħmilli dwar dak li ktibt fuqu, li dan l-intermedjarju qallu l-ismijiet tal-mandanti ta’ dan id-delitt u dan l-intermedjarju kellu informazzjoni ta’ kull ma kien qed jiġri fil-pulizija nkluż l-investigazzjonijiet li kienu qed isir fil-korp u fuq min verament waqa’ is-suspett tal-qtil ta’ Daphne Caruana Galizia?

Din kont ser nagħmililu fil-qorti imma issa ser nagħmililu hawn fuq dan is-sit. Vera li Azzopardi ġie mogħti tagħrif fuq l-investigazzjonijiet tal-bidu tal-pulizija u li fihom kien infurmat bl-ismijiet tas-suspettati u l-veru masterminds f’dan id-delitt? Vera li dawn kienu erba’, kollha rġiel, tlieta avukati u wieħed le? Vera li wieħed mill-avukati huwa eks-Ministru tal-Gvern? U nkun qed ngħid sew li Yorgen Fenech ma kienx msemmi bħala wieħed minn dawn il-mandanti?

U dan kollu seħħ meta l-media kollha, inkluż Jacob Borg, kienu – għal raġunijiet li jafu huma – qed jgħidu li Yorgen Fenech huwa l-mandant ta’ dan il-qtil. Infakkar li l-kummissarju tal-pulizija attwali tagħna qal li kull min kellu x’jaqsam ma dan id-delitt inqabad. Inqabad my foot!!!

U ħa nagħti parir żgħir lil Azzopardi. Oqgħod attent kif twieġeb għaliex jeżisti recording tiegħek titkellem dwar dan kollu. Jien smajtu għaliex xi ħadd semmahuli wara li int ftaħtli din il-kawża ta’ libell imma ma ngħatajtx kopja. Kieku kont nippreżentaha fil-qorti jew nippubblikah. Issa jekk irid, jista’ jgħid lill-avukat tiegħu, li b’kumbinazzjoni hu l-avukat tal-familja Caruana Galizia, biex jippreżenta dan l-artiklu tiegħi bħala xhieda fil-qorti fil-kawża ta’ libell li l-istess Azzopardi qed jagħmel kontra tiegħi kif ġa ppreżenta artikli oħra li jien ktibt fuqu!!!

Nixtieq inkun naf jekk Stephen Grey ta’ Reuters jafx b’dan kollu u jekk staqsiex lil Arthur Azzopardi dwar dawn il-fatti? Fuq kollox hu interessanti wieħed jistaqsi jekk Grey staqsiehx lil Azzopardi għala ismu jissemma aktar minn darba fir-recordings ta’ Melvin Theuma inkonnessjoni ma’ dan il-qtil ta’ Daphne Caruana Galizia? U interessanti nkunu nafu jekk Stephen Grecy kellimx lil Azzopardi u staqsieh għala ried iġiegħel lil Koħħu jibdel il-verżjoni li kien ta lill-pulizija dwar dan id-delitt? Din ma għidthiex jien imma qalha l-Koħħu stess fil-qorti.

Skont Azzopardi dan l-intermedjarju qallu biex jipprepara għall-arrest ta’ wieħed mill-akkużati għaliex hu kien ser ikun l-avukat tiegħu. Imma Azzopardi qatt ma semma l-isem ta’ dan l-intermedjarju, imma nafu lil min irrappreżenta Azzopardi bħala avukat, jiġifieri lil Vincent Muscat, il-Koħħu. Mela x’interess kellu Azzopardi li jġiegħel lil Vince Muscat, il-Koħħu, biex jibdel il-verżjoni li ta lill-pulizija? Skont Muscat, kieku għamel hekk kien iwaqqa’ s-sema fuqu. Jiġifieri kien jinqabad jigdeb.

Min-naħa tiegħu Azzopardi qal li ma marx għand il-pulizija għax beża’ minn xi leak imma mbagħad ma ddejjaqx jiltaqa’ mal-klijent tiegħu, jiġifieri Muscat, quddiem Arnaud biex jgħidlu biex jibdel il-verżjoni li ta lill-pulizija u għax Vince Muscat il-Koħħu ma biddilix, hu ma baqax jirrappreżentah bħala l-avukat tiegħu.

Għandu raġun Azzopardi jgħid lil Grey li ma setax jiekol u l-anqas jorqod u ma kellux enerġija u ma setax jimxi sewwa u kien qed ipejjep bħal li kieku ma hemmx għada! Dak li ma kienx jafx – u kieku jien l-anqas norqod aktar – huwa li għandu ħalqu kbir u spiċċa rrekordjat dwar x’qal minn huma l-veru assassini ta’ Daphne Caruana Galizia. Nerġa’ ngħidlu li meta kien qed jitkellem dwar il-veri assassini lil Yorgen Fenech ma semmiehx.

Anzi minn dak li qal Azzopardi lil Reuters joħroġ ċar li Yorgen Fenech qed jgħid il-verita’ għaliex li qal Azzopardi dwar informazzjoni li kienet qed toħroġ mill-korp tal-pulizija, ġa qalu Yorgen Fenech fil-qorti fil-kawża ċivili li l-istess Fenech kien għamel quddiem l-imħallef Wenzu Mintoff. Ara din ix-xhieda, u l-kontenut tagħha, il-ġurnalisti ta’ The Times, u tal-Media Indipendenti, qatt ma tkellmu dwarha.

Dak li hu interessanti li l-pulizija ma fetħux investigazzjoni fuq dak li qal Yorgen Fenech lill-imħallef Mintoff. Aħseb u ara kemm kien ser jinvestigaw lil Arthur Azzopardi dwar il-mod kif issemma fir-recordings ta’ Melvin Theuma u għax tlabt investigazzjoni, Arthur Azzopardi fetaħli kawża ta’ libell!