Possibli li ma hemm ħadd fin-naħa tal-gvern li mhux qed jaqbel mal-emendi fil-liġi tal-IVF?

Minn osservatur politiku

Aktar tard illum fil-Parlament Malti ser jittieħed vot delikat fuq l-IVF.  Minn dak li qed naqraw jidher li hemm diversita’ fil-ħsieb bejn xi deputati tal-Partit Nazzjonalista. Minn dak li qed naqraw minn ċertu posts fuq Facebook qed nifhmu li ma hemmx għajta waħda min-naħa tal-Partit Nazzjonalista.

Għall-kuntrarju ma jidhirx li hemm differenza ta’ ħsieb fi ħdan il-Partit Laburista għax mid-dehra kollha ser jivvutaw favur l-emendi mressqa f’dawn l-aħħar ġimgħat.  

Tiskanta kif daqshekk deputati min-naħa tal-Gvern u ebda wieħed minnhom ma tniggżu l-kuxjenza fuq xi emenda li qed titressaq.  Hawn qed niddiskutu kwistjoni morali. Nifhem li jkun hemm min ikollu ħsibijiet differenti fuq issues morali. Imma ma nifhimx li kulħadd għandu l-istess ħsieb.

Dak li qiegħed nikkonkludi li dawn id-deputati Laburisti ma tantx qed isibu diffikulta’ dwar il-fatt li jiġu ttestjati l-embrijun u jista’ jkun hemm xi konsegwenzi mhux mixtieqa. Minn dak li qed naqraw tista’ tiġi pperikolata l-ħajja.

Allura possibli ħadd mill-bankijiet tal-Gvern ma għandu dubju fuq din il-possibilita’ jew jitkellem dwarha? Possibbli ħadd minn dawn id-deputati kollha tal-Labour ma jqisu li hemm dan ir-riskju u allura xi ħadd jitkellem u jitħajjar jgħid xi ħaġa fuq dan is-suġġett jew jagħmel xi kumment fuq Facebook?