Alex Borg qed jagħmilha ċara l-pożizzjoni tiegħu fuq l-emendi għall-emendi tal-liġijiet tal-IVF

Illum il-Parlament mistenni jittieħed vot fuq il-liġi tal-IVF. Id-deputat Nazzjonalista, Alex Borg, għamel il-pożizzjoni tiegħu ċara dwar din il-liġi. Ilbieraħ tella’ post wara nofs in-nhar fejn qal hekk:

“Aħna ma ġejniex f’din id-dinja biex immeru jew saħansitra nolteraw jew nesperimentaw. Kull ħajja umana hija miraklu differenti mill-oħra. Mill-bidu nett.

Għalhekk jiena nemmen fil-ħajja.

Jiena nemmen li b’kull mezz possibbli dawk li jixtiequ jkollhom l-ulied għandhom ikollhom l-għajnuna u l-mezzi kollha sabiex jiċċelebraw id-don tal-ħajja.

Dan iżda sakemm b’ebda mod ma nkunu qed nipperikolaw b’ebda mod il-ħajja, anke jekk fil-bidu nett tagħha.