Tinsteraq ostja mill-kappella tal-ħabs u tliet Għarab isawtu ħabsi Malti: id-Direttur qed jibża’ mill-ħabsin?

Dan is-sit jinsab infurmat li nhar l-Imnarja, jiġifieri 29 ta’ Ġunju, prigunier ta’ nazzjonalita Maltija seraq ostja mill-kappella tal-ħabs. Xi ħaġa bħal din kienet tqajjem skandlu fl-imgħoddi. Illum l-anqas xejn ma hu rrappurtat fil-media. Eventwalment, din l-ostja nstabet fiċ-ċella ta’ dan il-priġunier Malti.

Forsi wieħed jgħid li qed ngħixu f’dinja sekularizzata u allura storja bħal din mhix ta’ importanza u valur. Imma din ma kienetx l-unika storja li seħħet fil-ħabs nhar l-Imnarja. Fl-istess jum li dan il-priġunier Malti sereq din l-ostja, tliet ħabsin Għarab li qegħdin f’diviżżjoni tnejn, daħlu fiċ-ċella ta’ wieħed Malti u tawh xebgħa. Anki hawn il-media b’ħalqha magħluq. Ara li kienu kien xi Malti u ta xi xebgħa lil xi ħadd ta’ karnaġġjon skur, kieku protesti ma kullimkien għandna!!! U kieku din ġrat fi żmien ieħor, il-media kollha kienet tkun qed tgħidilna x’għarukaża għandna fil-ħabs.

Issa x’hemm x’jgħaqqad dawn iż-żewġ stejjer? F’kull każ, dan is-sit jinsab infurmat li d-Direttur tal-ħabs preżenti ma kellimx lill-priġunieri nvoluti li għamlu dawn ir-reati. Minkejja li l-liġi tal-ħabs tgħid li d-direttur għandu jiltaqa’ u jitkellem mal-priġunieri, id-direttur preżenti ma kellimhomx. Il-ħabsin illum qed jgħidu li d-direttur jibża’ minnhom u għalhekk qatt ma jitkellimx magħhom.

Dak li dan is-sit jixtieq jistaqsi jekk hux veru li d-Direttur tal-Ħabs, kemm fil-każ tas-serqa tal-ostja u l-istorja ta’ dawn it-tliet Għarab, ma kellimhomx? Dak li dan is-sit jinsab infurmat li dawn il-ħabsin involuti f’din l-istorja nbagħtu f’diviżżjoni sitta bħala kastig.

Imma jekk hemm prova kemm is-sitwazzjoni fil-ħabs qed issir esplossiva u d-direttur qed jitlef il-kontroll tas-sitwazzjoni tinsab f’dak li ġara lbieraħ t’lura. Meta, ilbieraħt lura, il-Ġimgħa, il-prigunieri ssejħu għal dak li jissejjaħ il-fall in tas-sagħtejn, kien hemm ċapċip u għajjat fost il-prigunieri waqt dan il-fall in. Fizzjali u uffiċjali qalu li dan is-sit li din kienet ikkonsidrata bħala rebħa oħra mill-ħabsin fuq l-Awtorita’.

Issa jekk wieħed jara r-regolamenti, id-Direttur tal-Ħabs għandu id-dritt u l-obbligu biex ikellem lill-priġunieri imma l-fizzjali u familjari tal-ħabsin qalu lil dan is-sit li qed jinħeba wara l-Kummissarju tal-Welfare tal-Priġunieri.