Fr. David Muscat spiċċa l-qorti għaliex għamilha tas-Sammaritan waqt li l-pastor Manche għamilha tal-fariżew u baqa’ għaddej

Il-vera raġuni għala Fr. David Muscat ser ikun qed jitressaq il-qorti hija dik li għamilha tas-Sammaritan it-tajjeb. Hu ser jispiċċa l-qorti għaliex qabeż għal Abner Aquilina, tifel li ġej minn familja tajba ħafna miż-Żejtun. Fr. Muscat qabeż għalih f’diskussjoni li kellu ma’ persuna li tattendi ir-River of Love. X’inqtal bejn Fr. David Muscat u din il-persuna li tattendi r-River of Love huwa fatt magħruf u mhux ser nidħol f’diskussjoni dwaru.

Biss ma nistax ma ninnotax li Fr. David Muscat għamilha tas-Sammaritan it-tajjeb.

Nibda billi ngħid li Fr. David Muscat lil Abner Aquilina ma jafux. Imma dan l-inkwiet kollu li daħal fih minħabba kumment li għamel dwar l-akkużat ma’ persuna li tattendi ir-River of Love.

Issa Fr. Musat qed jibda jingħata raġun. Biex seħħ dan id-delitt, l-aggressur kellu saħħa barranija. Dan is-sit jinsab infurmat li l-pulizija qed taħdem fuq it-teorija li qabel ma qatilha, l-aggressur ħabbat ras il-vittma ma’ xi ħaġa iebsa. B’hekk il-vittma spiċċat li ntilfet minn sensija. Jidher li r-rape twettaq wara li qatilha. Trid tiġik saħħa barranija biex persuna tagħmel dak li qed ikun akkużat bih Abner Aquilina.

Mela din is-saħħa barranija ġietu minħabba d-droga li kellu jew għax hu mxajtan jew mit-tnejn. Jien ma tantx nemmen bix-xjaten u wisq inqas b’xi tip ta’ possessjoni biss għax persuna, jiġifieri qassis tkellem fuq dan il-punt ma’ persuna oħra li hija membru tar-River of Love, spiċċa bil-qassis jittella’ l-qorti. Fuq kollox, dan il-qassis kien qed jgħid il-verita’ meta qal li hawn gayyaġni għaliex illum nafu li l-akkużat kien jipprotitwixxi ruħu mal-irġiel biex iħallas għad-droga.  

Imma hemm punt ieħor li issa beda ħiereġ fil-media. Is-sewwa huwa li Fr. David Muscat ħareġ għonqu għal Abner Aquilina. Imma min użah ramieh. Hawn qed nitkellem għall-Pastor tar-River of Love, Gordon Manche. Manche spiċċa jiċħad li jafu meta saħansitra kien talab fuq ras Abner Aquilina. Dan ħareġ il-bieraħ f’artiklu f’The Sunday Times. Mela Abner Aquilina ma kienx biss persuna li daħlet b’mod każwali dak in-nhar kif allega Manche, imma saħansitra kien hemm rit ta’ talb fuq Abner biex jinħeles mill-ispirti ħżiena. Wara dan ir-rit mill-pastor, dan il-bniedem spiċċa aktar imxajtan milli kien!

Wara li faqqgħet din l-istorja kollha, Manche ma refax ir-responsabilita’ tiegħu. Anżi ramieh lil Aquilina u qal li ma jafux! Issa qed jidher li suppost kien hemm ix-xmara ta’ mħabba imma b’dispjaċir ikolli ngħid li din ix-xmara ta’ mħabba wasslet biex inqatlet mara!

Fuq kollox, din mhux l-ewwel darba li David Muscat mar kontra l-kurrent. Tiftakruh dak il-każ li b’kumbinazzjoni jmur lura wkoll lejn iż-Żejtun. Żagħżugħ Żejtuni fettillu jmur il-karnival tan-Nadur libes ta’ Kristu Irxot. Dak in-nhar kien tkellem kontra dan iż-żagħżugħ l-isqof ta’ Għawdex Mario Grech u l-pulizija kienet ipproċedit kontra dan iż-żagħżugħ. Ftit jiftakru li l-persuna li qabżet għal dan iż-żagħżugħ u tkellmet fil-pubbliku favur tiegħu, u kontra dawn l-akkużi tal-pulizija, kienet Fr. David Muscat.    

Dan iż-żagħżugħ kien jismu Melvin Barbara. Fr. David ma kienx jaf lil dan iż-żagħżugħ. Biss ħass li kellu jaqbeż għalih. Forsi ftit jafu li dan il-fatt, bħal dak tal-lum, daħħal lil Fr. David Muscat f’ħafna inkwiet mal-Awtoritajiet Ekkleżjastiċi u anki mal-pulizija. F’daqqa waħda, dawn spiċċaw imxerkin flimkien, bħal ma ġara fi żmien Kristu meta xxirku kontra Kristu Erodi u Pilatu u saru ħbieb.

Il-verita’ hija li Fr. David Muscat huwa wieħed mill-ftit qassisin li ħa ad litteram dak li qal il-papa Bergoglio jiġifieri li qassis għandu jġorr fuqu r-riħa tal-merħla. Imma min iġorr ir-riħa tal-mogħoż ibati l-konsegwenzi u ma jaħrabx. Li ġġorr ir-riħa tal-merħla tiġi, kif jgħidu bl-Ingliż, “at a cost”.