Ċertu attakki fuq Alex Dalli bdew wara li rrifjuta li jibgħat ħabsi għal kors fl-Universita’

Dan is-sit jinsab infurmat li waħda mir-raġunijiet għala Alex Dalli spiċċa attakkat fil-media kien minħabba li hu rreżista talba li saret biex persuna li weħel fuq għoxrin sena ħabs minħabba li mewt ta’ tfajla li kienet qabżet minn fuq l-irdum ta’ Ħad-Dingli jibda jmur jagħmel kors l-universita’.

Alex Dalli, bħala direttur tal-ħabs ma setax jagħmel jew jikkonċidi għal din it-talba peress li din tmur kontra r-regolamenti tal-ħabs. Dan wassal biex saret kampanja kontra Alex Dalli, inkluż fuq il-media tal-Knisja.

Il-każ imur lura għal-Lulju 2019. Għalliem tad-drama weħel għoxrin sena ħabs wara patteġġjament mal-avukat ġenerali. Hu kien mixli bil-qtil ta’ Lisa Maria li kienet studenta tiegħu. Hu fid-dmir ta’ kull għalliem li jipproteġi lill-istudenti tiegħu u mhux jimbuttahom jew iħeġġiġhom biex jagħmlu suwiċidju. Dan kien ġie deskritt bħala qtil li seħħ fl-irdumijiet ta’ Ħad-Dingli.

Dan is-sit jinsab infurmat li l-Professur Andrew Azzopardi kien insistenti ħafna ma’ Alex Dalli tant li bagħat madwar għoxrin email, reminder wieħed wara l-oħra lil Alex Dalli biex iħalli lil din il-persuna tmur l-universita’. Kien jibaghat ukoll lill-uffiċjali l-oħra tal-ħabs. Meta Alex Dalli ma ċediex għall-pressjoni għaliex ma riedx li jinkisru r-regolamenti tal-ħabs, beda attakk wara l-ieħor kontra tiegħu.

Dan is-sit huwa infurmat li persuna tkun intitolata li tmur universita’ jew post ieħor fejn tistudja ftit snin qabel mal-persuna tkun skonta s-sentenza u mhux immedjatament wara sentenza twila ta’ priġunerija. Normalment, tkun imħollija tmur l-Universita’ madwar tliet snin qabel ma tkun ġiet skontata s-sentenza. Kieku Alex Dalli ċeda, kien ikun qiegħed jikser ir-regolamenti tal-ħabs.

Jien wieħed minn dawk li naqbel li ħabsin għandhom jintbagħatu jsegwu korsijiet għaliex hemm ħabsin u ħabsin. Naqbel li għandhom jintbagħtu qabel l-għeluq tat-tliet snin ma tkun skontata s-sentenza. Biss f’dan il-każ, dak li kellu jsir hu li jintalab li jinbiddlu l-regolamenti tal-ħabs.

Fuq kollox, meta wieħed jagħmel kampanja għandu jkun anki kostanti. Inċidentalment, wieħed mill-ispetturi f’dan il-każ tal-mewt ta’ din it-tfajla f’Ħad Dingli kien Keith Arnaud. Qed insemmih għaliex dan mexxa l-prosekuzzjoni kontra Yorgen Fenech. Ara fil-każ ta’ Yorgen Fenech, l-attivisti wżaw riga differenti. Qatt ma pprotestaw li bniedem li għadu ma nstabx ħati ma kellux jibqa’ jinżamm dan it-tul kollu fil-ħabs kif jiġri f’każijiet oħra ta’ omiċidju. F’każijiet oħra ta’ omiċidju, persuni akkużati b’omiċidju jinħarġu fuq bail.