Reġa’ kiteb it-tifel tal-priġunier li missieru qed jagħmel strajk tal-ġuħ u mhux qed jieħu l-insulina fl-istess ħin

It-tifel tal-priġunier li qed jagħmel strajk tal-ġuħ u mhux qed jieħu l-insulina reġa’ kiteb fuq il-Facebook page tal-Ministru Byron Camilleri wara li dan tal-aħħar baqa’ ma rrispondix lura għall-messaġġ li kitiblu l-bieraħ. F’dan il-messaġġ it-tifel ta’ dan il-priġunier qal dan li ġej:

“Missier dal-lejl raqad fl-M.I room għax niżillu iż-żokkor 3 Sur Byron Camilleri. Il-ħabs minn kollox jagħmlu biex iżommu il-priġunier kif suppost imma hekk jiġrilu xi ħaġa missieri, int responsabbli għal dan kollu għax ma rrispondejtnix. Aħna familja kbira u kollha Laburisti imma fuq din l-istorja vot ma jieħdu ħadd minn għandna.”