Michael Fenech Adami jitlef il-Presidenza tal-Kunsill Reġjonali taċ-Ċentru

Għadni kif ġejt infurmat li f’waħda mill-elezzjonijiet fil-Partit Nazzjonalista, il-kunjom Fenech Adami qala’ damdima kbira. Saret elezzjoni  bejn il-kunsilliera tal-Kunsilli Lokali tal-Partit Nazzjonalista (taż-żona) biex jagħżlu bħala President għall-Kunsill Reġjonali Ċentru. It-tellieqa kienet bejn Michael Fenech Adami, il-President attwali, u Tony Chircop, is-Sindku ta’ Tas-Sliema. Ir-riżultat ikun 31 favur Chircop u 14 favur Fenech Adami.