Lista li tipprova li l-Lejber jixxutja il-ballun barra l-lasta
Blog post minn osservatur
Dr Mercieca, ftit tal-jiem ilu kont bgħatlek artiklu fejn kont irreferejt għal fatt li l-Partit Nazzjonalista qed jagħmel l-autogoals u l-Partit Laburista qed jitfa’ l-ballun barra l-lasta. Persuna milli ssewġwi l-blogs tiegħi, kitbet dan li ġej f’kumment tagħha. “Dan il-blogger missu ta xi eżempju ta’ kif il-Gvern qed jixxuttja barra l-lasta. Mhux tikteb biss, trid tissustanzja dak li ktibt”.
Jien dan iċ-‘challenge’ naċċettah. Forsi tgħiduli li mhux il-waqt propizju li nikkomponi lista ta’ azzjonijiet. Biss din ġie komposta u kull mhu ser nagħmel nipproponiha xi uħud minn dak li ġie imsemmi f’din il-lista twila. Ħa niftehmu li l-FATF poġġietna fuq il-lista l-griża huwa diġa xhieda tal-fatt li l-partit fil-gvern qed jixxuttja barra l-lasta. Imma biex inkun għamilt dmiri, se nniżżel xi uħud minn dak li ġie mogħti f’din il-lista.
- L-istorja tal-kafe Premiere
- Il-pubblikazzjoni tal-Panama Papers
- Il-qtil makabru ta’ ġurnalista
- Il-bdil ta’ sitt kummissarji tal-pulizija f’seba’ snin
- Meta ssemma’ minn irjus kbar li jeżisti kabinett tal-kċina
- Meta qrajna l-famuż messaġġ ta’ mexxi, mexxi, mexxi fuq deċiżjoni nazzjonali
- Meta smajna fil-qorti li tista’ twaħħal f’Cardona, imma lili ssemminix
- Ċaqlieq ta’ flus lil ras kbira mplikati bħala kickbacks dwar il-passaporti
- Golden passports lil nies ta’ reputazzjoni kriminali
- Il-bejgħ tal-isptarijiet lill-Vitals
- It-telf ta’ mobile mportanti nofs siegħa qaleb arrestawh (bejn 5am u 5.30am)
- Il-medical visas tal-Libja
- Streamcast, kumpanija fl-IT, imfaħħra għax kienet se tinvesti €75 Miljun
- 13,000 ewro fix-xahar lil Sai Mizzi
- Il-job lil Melvin Theuma
- Il-bini tal-ITS jingħata lil DB bi press irħis li ma rriflettix il-prezz tas-suq
- Impjiegi mal-gvern galore f’Għawdex lejliet l-elezzjoni 2017
- Imlew Malta kollha bil-kaxxi tal-concrete
- Qtil ta’ mara fid-dar tagħha minħabba nuqqas ta’ serjeta’ fil-kontroll tal-bini
- Il-ħbieb b’pagi oxxeni u b’żewg jew tliet karigi.
- Michelle factotum fil-marigold bla awditjar indipendenti
- Tefgħu l-immigranti fuq Captain Morgan fix-xitwa meta kellna numri tal-Covid baxxi, imma fis-sajf le għax intellfuh il-business u allura l-flus.
- Irridu nħallsu mitt miljun ewro biex nerġgħu nieħdu l-isptarijiet f’idejna
- Muscat ordna lill-Awtorita’ tat-Turismu jagħtu kuntratt ta’ €80,000 lil Konrad wara li dak kellu jirriżenja mill-kabinett
- Irridu nħallsu 417 miljun ewro biex nerġgħu nieħdu l-power station f’idejna.
- Frame-up poilitiku fuq ir-raġel tal-ex-deputatat Giovanna Debono
- Ministru tagħti kuntratt lill-maħbub tagħha meta anqas kellu kwalifiċi biex iwettaq dak li qabbditu jagħmel
- It-tifla tal-konsulent ewlieni ta’ ministru tingħata direct order bħala avukata xhur qabel tiggradwa
- Il-Marigold Foundation ta’ Michelle Muscat preferuta għal donazzjonijiet minn min irid jixtri passaport
- Direct order ta’ 274 miljun ewro dwar l-isptar San Vincenz li kien kundannat mill-awditur ġenerali
- Naħseb li kkuntentajtha lis-sinjura li għamlet dak il-kumment.
- Fl-opinjoni tiegħi dawn kollha (jew kważi kollha) huma eżempji li setgħu jissarfu f’nuqqas ta’ fiduċja mill-FATF biex wasalna għal dan il-kulur griż.